VIA

Malvakoek

1½ k witsuiker

2½ k koekmeel

7,5 ml koeksoda

knippie sout

1½ k olie

1 k melk, kamertemperatuur

2 eiers, kamertemperatuur

5 ml vanielje

5 ml suurlemoensap

3-5 roosmalvablare, fyngekap

Sif die droë bestanddele saam en sit eenkant.

Meng al die nat bestanddele goed saam in ’n groot mengbak.

Meng die gekapte malvablare in, voeg dan die gesifte droë bestanddele by en meng goed met ’n draadklitser.

Berei drie 20 cm-koekpanne voor. Verdeel die deeg in 3 eweredige dele en bak by 180 °C vir 25 minute of tot ’n toetspen skoon uitkom.

Versiersel:

250 g botter, kamertemperatuur

250 g roomkaas

350-500 g gesifte versiersuiker, afhangend van hoe soet jy dit wil hê

suurvyekonfyt om voor te sit

Klits die botter vir 5 minute, tot baie lig en romerig. Voeg die roomkaas by en klits tot goed gemeng. 

Voeg eers net 350 g versiersuiker by, klits deur en proe of dit soet genoeg is, indien nie, sit nog by.

Wanneer die koeklae afgekoel is, smeer die versiersel tussen die lae om dit op mekaar te sit, en ook buite om die koek. Bedien dit met suurvyekonfyt

Malva-en-tofuslaai met suurvy gastrique

Tofu:

1 kg vars ongegeurde tofu (hoenderborsies is ook ’n opsie)

80 ml olyfolie

50 ml roos- of suurlemoenmalvablare, gesnipper

150 ml gesnipperde koljanderblare

1 t knoffelpoeier

1 t uiepoeier

1 t paprika

½ t kaneel

sout en peper

50 ml roosmalva-asyn of witwynasyn

Sny die tofu in blokke, meng met die ander bestanddele en marineer oornag.

Rooster in ’n voorverhitte oond op 200 °C vir 20 minute (draai om na 10 minute) tot goudbruin.

Haal uit en laat afkoel tot net kamertemperatuur.

Gastrique:

½ k suurvyekonfyt

2 e water

½ koppie ryswyn of witwynasyn

Meng gastrique-bestanddele saam en kook oor medium hitte tot gemeng, haal van hitte af en laat afkoel.

Vir voorsit:

80 ml olyfolie

100 ml geroosterde pekanneute

200 g mengsel van blare en blomme (malva, kappertjieblare, babaspinasie, raketblare, koljanderblare, pietersielie, slaaiblare, ens.)

Meng die blare en plaas in ’n slaaibak met die tofu bo-op. Sit voor met die neute, gastrique en olyfolie.

Koskuns met Lientjie en Wilhelmina: Episode 2

Al -resepte