Genoeg vir een 18 cm-broodjie

225 g (245 ml) sagte botter

250 g (300 ml) strooisuiker

5 ml vanieljegeursel

4 eiers

80 ml aangesuurde
room (crème fraîche)

190 g (340 ml) koekmeel

10 g mielieblom (maizina)

5 ml sout

Bolaag:

185 g (375ml) versiersuiker, gesif

5 ml vanieljegeursel

30 ml aangesuurde
room (crème fraîche)

Verhit oond tot 180 °C. 
Voer 18 cm-broodpan uit met bakpapier en spuit goed met kleefwerende
kossproei. Klits botter, suiker en vanielje saam tot lig en romerig. Voeg eiers
een vir een by terwyl jy klits. Voeg aangesuurde room by en klits goed tot
gemeng. Vou meel, mielieblom en sout by en meng deur tot gladde beslag. Skep in
voorbereide pan en bak vir 25-30 minute of tot toetspen skoon uitkom. Laat vir
5 minute in pan afkoel. Keer uit op afkoelrakkie en laat afkoel tot koud.
Versier so:  Meng versiersuiker, vanielje
en aangesuurde room saam tot gladde mengsel. Plaas afgekoelde koek op
opdienbord en skep versiersel oor. Laat staan vir 30 minute buite sodat
versiersel harde korsie vorm. Sny in skywe en sit voor.