Genoeg vir 1 koek

Koek:

5 Pink Lady appels

185 ml melk

45 ml botter

gerasperde skil van 3
lemoene

210 g (250 ml)
strooisuiker

2 eiers, geskei

2 heel eiers

160 g (375 ml)
koekmeel

7,5 ml bakpoeier

’n knippie sout

125 ml papawersaad

Stroop:

320 g (375 ml) suiker

250 ml water

45 ml botter

250 ml suiwer
lemoensap

Versiersel:

230 g (250 ml)
roomkaas

115 g (125 ml) sagte
botter

100 g (200 ml) versiersuiker,
gesif

Verhit die oond tot 180°C
en voer twee 23 cm-koekpanne met bakpapier uit. Spuit die panne deeglik met kleefwerende kossproei. Sny appels in klein
blokkies. Kook die melk, botter en lemoenskil saam en laat afkoel tot louwarm.
Klits die suiker, twee eiergele en die heel eiers in ’n groot mengbak tot lig
en romerig. Sif die meel, bakpoeier
en sout saam en vou dit met ’n groot metaallepel by die eiermengsel in. Voeg die afgekoelde melkmengsel by die beslag en vou
in. Klits die twee eierwitte tot sagte punte vorm en vou dit saam met die
papawersaad by die beslag in. Verdeel die mengsel tussen die voorbereide panne
en bak vir 30-35 minute of tot ’n toetspen skoon uitkom. Vir die stroop: kook
die suiker, water en botter saam vir 2-3 minute. Verwyder van die hitte en voeg
die lemoensap by. Verdeel die stroop tussen die gaar koeke in die panne en laat
die koek yskoud word in die yskas. Vir die versiersel: klits die roomkaas en
botter saam tot lig en romerig. Voeg die versiersuiker by en klits goed. Keer
die eerste koeklaag uit op ’n dienbord en smeer die helfte van die versiersel
oor. Plaas die tweede koek bo-op en smeer die oorblywende versiersel bo-oor.
Sit voor.