Die vrugte gaan lê onderin die
brood, dis presies wat jy wil hê. Sit dit voor met appelbotter en ’n heerlike
koppie tee.

Genoeg vir 1 brood.

160 g (170 ml) sagte botter

100 g (120 ml) strooisuiker

100 g (190 ml) versiersuiker

4 eiers

30 ml melk

180 g (320 ml) koekmeel

10 ml bakpoeier

50 g fyn amandels

230 g vrugtekoekmengsel

50 g glanskersies

30 g versuikerde sitrusskil,
fyngekap

STROOP

100 ml rum

100 ml water

100 g (125 ml) suiker

APPELBOTTER

2 Pink Lady® -appels, grofgerasper

45 ml bruinsuiker

45 ml brandewyn

115 g (125 ml) botter

Verhit oond tot 180 °C. Voeg 18 cm-broodpan
uit met bakpapier en spuit deeglik met kleefwerende kossproei. Klits botter, strooi- en
versiersuiker saam tot lig en romerig. Terwyl jy klits voeg jy eiers een vir
een by en hou aan klits tot goed gemeng. Voeg meel, bakpoeier en amandels by en
meng deur. Voeg res van koekbestanddele by en vou deur. Skep beslag in voorbereide pan en
smeer gelyk. Bak vir 45-60 minute of tot toetspen skoon uitkom. STROOP Terwyl brood bak, bring jy die
stroopbestanddele tot kookpunt. Haal brood uit oond en gooi warm stroop oor.
Laat afkoel in pan en keer uit. APPELBOTTER Plaas appels, suiker
en brandewyn in kastrol en roer oor lae hitte tot sagte appelmoes vorm. Laat afkoel
en klop saam met botter tot lig en romerig. Sny in skywe en sit voor.