Die eenvoud van crème brûleé steel elke keer my hart. Die laaste skep
onder is die beste wanneer jy die appel en rooskonfyt raakskep!

Genoeg vir 6

APPELKONFYT

4 Pink Lady-® appels, gerasper met
skil aan

200 g (250 ml) suiker

60 ml roosstroop

ROOM

pitjies van 1 vanieljepeul of 5 ml vanieljegeursel

500 ml room

6 eiergele

60 ml kookwater

100 g (125 ml) strooisuiker

ekstra strooisuiker vir bolaag

KONFYT: Plaas al die bestanddele in ‘n kastrol en bring tot kookpunt.
Roer tot blink konfyt vorm. Haal van hitte af en hou eenkant.Verhit oond tot 140 °C. ROOM: Bring room, vanieljepitjies of -geursel tot kookpunt. Klits
eiergele en suiker saam in ‘n mengbak. Voeg warm room by eiergele terwyl jy
stadig klits. Plaas 6 glase of koppies met volume van 250 ml in ‘n oondpan –
ja, jou glase sal veilig wees, want jy bak teen baie lae temperatuur. Verdeel konfyt tussen glase. Gooi eiermengsel deur ‘n sif en verdeel
tussen die glase met die konfyt in. Vul oondpan met warm water tot halfpad die hoogte van die bak. Bak vir
sowat 30-40 minute in oond of tot dit die tekstuur van jellie het as jy liggies
teen die bak stamp. Plaas in yskas om verder te stol tot yskoud. Strooi 'n dun lagie strooisuiker oor die koue
crème brûlée. Gebruik 'n blaasvlam en brand die suiker tot 'n donker karamel
vorm. Sit dadelik voor.