Genoeg vir een 22 cm-koek

4 eiers

250 g (310 ml) strooisuiker

280 g (500 ml) koekmeel

15 ml bakpoeier

250 ml louwarm melk

30 ml botter, gesmelt

5 ml vanieljegeursel

VERSIERSEL

4 Pink Lady® -appels, grofgerasper

45 ml heuning

vanieljepitjies

20 ml roosstroop

250 g (270 ml) sagte botter

250 g versiersuiker, gesif

Verhit oond tot 180 °C. Voer twee
18 cm-koekpanne met bakpapier uit en spuit goed met kleefwerende kossproei. Plaas eiers en strooisuiker in ’n
groot mengbak en klits teen hoë spoed tot ’n dik skuim, sowat 8-10 minute. Sif
meel en bakpoeier saam, voeg by eiermengsel en vou met ’n groot metaallepel in.
Voeg melk, botter en vanieljegeursel by en vou in. Verdeel beslag tussen die
twee panne en bak vir 20-25 minute of tot ’n toetspen skoon uitkom. Laat afkoel
in pan. VERSIERSEL Plaas gerasperde
appels, heuning, vanielje en roosstroop in klein kastrol en bring tot kookpunt.
Verwyder van hitte en laat afkoel. Klits botter met ’n elektriese klitser tot
sagte roomtekstuur. Voeg versiersuiker en koejawels by en klits appelmengsel by
tot opgebreek en versiersel vorm. Keer afgekoelde koeke uit pan.
Plaas eerste koeklaag onderstebo op ’n bord en smeer helfte van versiersel op
koek. Plaas tweede koeklaag bo-op. Skep oorblywende versiersel in ’n spuitsak
met ’n 1 cm-skerprandtuit en spuit klein klontjies versiersel bo-op koek. Jy
kan ook bloot die oorblywende versiersel met ’n slaplemmes oorsmeer. Sit voor.