Genoeg vir een 18 cm koek

VULSEL

250 ml melk

3 eiergele (hou witte vir koek)

50 g (60 ml) suiker

200 g sjokolade, baie fyn gekap 

135 ml sjokoladelikeur

6 
Pink Lady-® appels, baie fyn gekap

410 g-blik ingemaakte kersies, gedreineer

SPONSKOEK

150 g (290 ml) versiersuiker

100 g (125 ml) strooisuiker

4 eiers

6 eiergele

8 eierwitte

70 g (125 ml) koekmeel

150 g (250 ml) amandelmeel

60 g (150 ml) kakaopoeier

SJOKOLADEGLASEERSEL

20 g gelatien

180 ml water

150 ml room

330 g (410 ml) suiker

120 g (300 ml) kakaopoeier

VERSIERING

sjokoladeskaafsels (gebruik groenteskiller en “skil” sjokolade) 

geklopte room

dun skywe Pink Lady-®
appels

VULSEL Meng melk, eiergele en suiker saam in kastrol. Roer oor lae hitte met
houtlepel tot mengsel agterkant van lepel bedek, sowat 5-6 minute. Gooi warm
mengsel oor gekapte sjokolade en roer tot gesmelt. Plaas in yskas vir 2-3 uur
of tot gestol. SPONSKOEK Verhit oond tot 180 °C. Voer 4 losboomkoekpanne (18 cm) met bakpapier
uit en spuit deeglik met kleefwerende kossproei. Plaas versiersuiker, strooisuiker, eiers, eiergele en eierwitte in bak
van elektriese menger en klits tot ligte skuim vorm, sowat 10 minute. Sif
koekmeel, amandelmeel en kakao oor eierskuim en vou in. Verdeel beslag tussen die panne. Bak vir 15 minute of tot gaar. Laat
afkoel. Plaas losboomkoekpan se ring sonder sy bodem op ’n bakplaat wat met
bakpapier uitgevoer is. Plaas een koeksirkel onder in pan. Sprinkel een derde
van kersielikeur oor. Skep sjokoladevulsel in spuitsak met 1 cm-tuit en spuit
kwart van vulsel oor koek. Pak een derde van ingemaakte kersies (sonder
stingels) bo-op. Plaas tweede koeklaag bo-op gevolg deur kwart van vulsel en
res van kersies. Herhaal en eindig met 4de koeklaag en oorblywende vulsel.
Plaas in vrieskas vir 6 uur. SJOKOLADEGLASEERSEL Sprinkel gelatien oor water en laat staan vir 2
minute. Plaas in kastrol saam met res van bestanddele en roer oor matige hitte
tot gelatien gesmelt het en gladde, blink mengsel vorm – moenie die mengsel
laat kook nie. Plaas in yskas vir 1 uur of tot glaseersel amper gestol het. VERSIERING Haal bevrore koek uit vrieskas en plaas op ’n
afkoelrak wat op ’n bakplaat staan. Gooi glaseersel oor koek en laat afloop aan
die kante. Laat staan vir 5 minute, lig koek met ’n slaplemmes van afkoelrak en
plaas op dienbord. Plaas in yskas vir 2 uur. Versier met sjokoladeskaafsels en
rosette van geklopte room. Pak appelskywe op koek en sit voor.