Genoeg vir een 20 cm-koek

4 Pink Lady-® appels

300 ml melk

35 g donker kakao

250 g (270 ml) botter, in
blokkies gesny

200 g donkersjokolade, fyngekap

210 g (250 ml) strooisuiker

200 g (240 ml) bruinsuiker

5 ml vanieljegeursel

2 eiers

260 g (465 ml) bruismeel

Versiersel

250 g (270 ml) sagte botter

130 g (250 ml) versiersuiker,
gesif

385 g-blik karamelkondensmelk

karamelspringmielies

Verhit oond tot 180 °C. Spuit 2
x 20 cm-koekpanne goed met kleefwerende kossproei en voer uit met bakpapier. Sny appels in dun skywe en pak
in die pan. Plaas melk, kakao, botter,
sjokolade, suikers en vanieljegeursel in kastrol. Roer oor lae hitte tot alles
gesmelt is. Laat effens afkoel. Klits eiers een vir een by. Sif meel by en
klits tot gemeng. Verdeel beslag tussen twee
koekpanne en bak vir 35-45 minute of tot toetspen skoon uitkom. VERSIERSEL Klits botter tot lig
en romerig. Voeg versiersuiker en kondensmelk by en klits tot lig en romerig.
Skep mengsel in spuitsak met 1 cm-stertuit. Keer koeke uit op afkoelrak en laat afkoel. Plaas eerste koeklaag op dienbord.
Spuit helfte van versiersel in spiraalvorm op koeklaag. Sprinkel hand vol
springmielies oor. Plaas tweede koeklaag bo-op en spuit oorblywende versiersel
bo-op. Sprinkel springmielies bo-oor en sit voor.