Genoeg vir 6-8

80 ml water

150 g (190 ml) suiker

4 Pink Lady-® appels, in dun skywe gesny. met skil aan

250 ml melk

125 ml room

4 eiergele

2 eiers

5 ml vanieljegeursel

75 g (95 ml) suiker

Verhit oond tot 160 °C. Bring
water en 150 g suiker tot kookpunt in ’n kastrol. Laat vinnig kook vir 8 – 10
minute tot goue karamel vorm. Spuit ’n broodpan van 10 x 15
cm of 18 cm ronde koekpan met kleefwerende kossproei. Pak appelskywe in pan en
gooi warm karamel oor. Laat staan tot gestol. Bring melk en room in ’n skoon
kastrol tot kookpunt. Klits eiergele, eiers, vanieljegeursel en 75 g suiker
saam tot lig en romerig. Voeg warm melkmengsel by terwyl jy roer. Gooi die
mengsel deur ’n sif in die broodpan. Plaas pan in oondbak. Vul
oondbak halfpad met warm water. Bedek pan met foelie en bak vir 50 – 60 minute
of tot gestol soos jellie. Haal uit oond en laat afkoel. Sit in yskas tot koud.
Keer versigtig uit op dienbord. Sit voor.